Sagan

Hlutverk Söngskólans í Reykjavík er…

  • ..að veita kennslu í söng og staðgóða almenna tónlistarmenntun
  • ..að sérmennta og útskrifa einsöngvara og söngkennara

Margir af nemendum Söngskólans hafa skapað sér stóran sess í söngvaraheiminum s.s. Kristinn Sigmundsson, Garðar Thór Cortes og Þóra Einarsdóttir eru dæmi um það.  Einnig hafa margir af okkar þekktustu söngvurum í rytmísku deildinni stundað nám við Söngskólann og má þar nefna Emiliönu Torrini, Eivöru Pálsdóttur, Kristjana Stefánsdóttir, Sigríði Thorlacius og Svavar Knútur.

Námið við Söngskólann í Reykjavík skiptist í nokkrar deildir:

  • Unglingadeild (10 – 15 ára)
  • Almenn deild
  • Háskóladeild.

Einnig býður skólinn upp á ýmis námskeið:

  • 7 vikna söngnámskeið fyrir söngáhugafólk á öllum aldri
  • Námskeið fyrir kóra.
  • Ýmis meistaranámskeið, sem eru opin áhugafólki til áheyrnar.

Nemendaópera Söngskólans setur árlega upp sýningar og blómlegt tónleikahald er innan skólans.  Skólastjóri er Garðar Cortes.

Frá árinu 1973 hafa á fjórða þúsund nemendur stundað nám við skólann;  355 hafa lokið framhaldsprófi (lokaprófi úr almennri deild).  Einnig hefur skólinn útskrifað samtals 202 nemendur með háskólagráður í einsöng og/eða söngkennslu. Listi yfir þá sem hafa lokið námið á háskólastigi við Söngskólann í Reykjavík er aðgengilegur hér.

Garðar Cortes stofnaði Söngskólann í Reykjavík haustið 1973 og rak hann sem einkastofnun til ársins 1978 er kennarar, nemendur og velunnarar skólans, undir forystu Garðars, stofnuðu Styrktarfélag Söngskólans í Reykjavík.  Skólinn starfaði í eigin húsnæði að Hverfisgötu 45 frá 1978.  Haustið 2002 fluttist öll starfsemi Söngskólans í Reykjavík í glæsilegt og rúmgott húsnæði að Snorrabraut 54.

Stjórn Styrktarfélags Söngskólans og skólanefnd er kosin á aðalfundi Styrktar-félagsins haust hvert.

Hún er nú þannig skipuð.

Aðalstjórn:
Garðar Cortes
Ólöf Kolbrún Harðardóttir
Þorvaldur Gylfason

Varastjórn:
Ásrún Davíðsdóttir
Kolbrún Sæmundsdóttir
Viðar Gunnarsson

Skólinn hefur frá upphafi verið í prófasambandi við Konunglegu tónlistarskólana í Bretlandi “The Associated Board of the Royal Schools of Music”.  Öll lokapróf frá skólanum hafa verið tekin í samvinnu við ABRSM, prófdómarar frá þeim dæmt prófin og nemendur hlotið prófskírteini sem njóta alþjóðlegrar viðurkenningar, auk þess sem nemendum sem skara fram úr er boðið að sækja um alþjóðlega styrki ABRSM, til náms við Tónlistarháskóla sambandsins í Bretlandi.