Inntökupróf

Inntökuprófið er fólgið í raddprufu

Til að fá inngöngu í Söngskólann í Reykjavík þarf að mæta í inntökupróf. Þetta er ekkert til að kvíða fyrir!

Próftaki syngur eitt lag, að eigin vali með píanóleikara eða undirleik á upptöku/disk/síma

• Sungið með píanóleikara:
Söngskólinn úthlutar píanóleikara, sem æfir lagið með viðkomandi fyrir prófið. Nótur þurfa að liggja fyrir – hægt að leita til skrifstofunnar ef nótur vantar

• Sungið án píanóleikara:
Upptaka af undirleik þarf að vera á geisladisk, USB-lykli, í tölvu eða síma. Hægt að tengjast hátalara gegnum bluetooth.

Eftir að lagið er sungið eru gerðar nokkrar raddæfingar, til að finna út hvernig röddin liggur og svo er smá tónheyrnarprufa.

Ef einhverja spurningar vakna, ekki hika við að hafa samband í síma: 552-7366

Innritun er hafin fyrir skólaárið 2020 - 2021. Nemendur sem hafa í hyggju að halda áfram námi næsta skólaár eru hvattir til þess að hafa samband við skrifstofuna sem fyrst. Nýjum nemendum er bent á að skrá sig á https://rafraen.reykjavik.is/ - Einnig er hægt að hafa samband við Soffíu Bjarnleifsdóttur í síma 661 7058