Tónleikar

Tónleikar

Miðdeildarnemendur syngja á tónleikum í Snorrabúð, miðvikudaginn 5. apríl kl. 18:00.

Frítt inn og allir velkomnir

Söngvarar:
Ásta Kristín Guðrúnardóttir
Halldóra Björg Jónasdóttir
Hulda Margrét Birkisdóttir
Íris Sveinsdóttir
Jóhanna Clara Lauth
Katrín Eir Óðinsdóttir
Ólafur Freyr Birkisson
Sigrún Símonardóttir

Harpa Harðardóttir hefur umsjón með tónleikunum

Hólmfríður Sigurðardóttir leikur á píanóið með nemendunum

Umsóknir fyrir komandi skólaár

Umsóknir fyrir komandi skólaár

Það er opið fyrir umsóknir fyrir skólaárið 2017-2018

Stutt lýsing á námi og námsgjaldi við Söngskólann í Reykjavík

Nemendur við skólann þurfa að standast inntökupróf. Þeim sem hafa aðra menntun á sviði tónlistar gefst kostur á stöðuprófum.

Söngskólinn bíður uppá almennt tónlistarnám, undirbúningsnám eða tómstundanám í formi námskeiða. Einnig er reglulegu boðið uppá meistara-námskeið, undir leiðsögn virtra gestakennara.

Námsleiðir við Söngskólans í Reykjavík:
Söngnámskeið 7 vikna námskeið
Unglingadeild Grunnnám
Almenn deild Grunnnám, miðnám og framhaldsnám.
Háskóladeild Nám til einsöngvaraprófs og/eða söngkennaraprófs.

Söngnámskeið – hvert námskeið stendur í 7 vikur
Námskeiðsgjald veturinn 2017 – 2018 49.500 kr.

Grunnnám í unglingadeild
Skólagjald fyrir veturinn 2017 – 2018 Yngri deild (11 – 13 ára) 165.000 kr.
Skólagjald fyrir veturinn 2017 – 2018 Eldri deild (14 – 15 ára) 185.000 kr.

Grunnnám í almennri deild (hálft nám)
Skólagjald fyrir veturinn 2017 – 2018 240.000 kr.

Grunnnám og Miðnám í almennri deild (fullt nám)
Skólagjald fyrir veturinn 2017 – 2018 330.000 kr.

Framhaldsdeild og Háskóladeild
Skólagjald fyrir veturinn 2017 – 2018 395.000 – 435.000 kr.


Nánari upplýsingar um námið:

http://www.songskolinn.is/almennt-nam/

Umsóknum má skila á heimasíðu
http://www.songskolinn.is/umsokn-um-skolavist/

Nánari upplýsingar á skrifstofu Söngskólans í Reykjavík
Alla virka daga kl. 10:00 – 17:00
Sími: 552-7366

Jóhann Kristinsson er fyrsti íslendingurinn sem fær verðlaun í Das Lied

Jóhann Kristinsson er fyrsti íslendingurinn sem fær verðlaun í Das Lied

Jóhann Kristinsson, baritónsöngvari, var nemandi Bergþórs Pálssonar við Söngskólann í Reykjavík frá 2009-2013. Núna stundar Jóhann masternám í óperusöng við Hanns Eisler-tónlistarháskólann í Berlín. Söngkennari hans við skólann er Scot Weir, en á námsárunum úti hefur hann einnig notið leiðsagnar Thomas Quasthoff, Julia Varady, Wolfram Rieger, Thomas Hampson, Graham Johnson og Helmut Deutsch. Jóhann er ekki eini íslendingurinn sem nemur við skólann en Brynhildur Þóra Þórsdóttir, Kristín Anna Guðmundsdóttir og Álfheiður Erla Guðmundsdóttir nema þar einnig. Brynhildur Þóra og Kristín Anna eru fyrrum nemendur Söngskólans í Reykjavík, Brynhildur var nemandi Ólafar Kolbrúnar Harðardóttur og Kristín Anna var nemandi Hörpu Harðardóttur.

Nýverið vann Jóhann til tvennra verðlauna í ljóðasöngkeppninni Das Lied sem fram fór í Heidelberg í Þýskalandi. Jóhann hafnaði í 3. sæti og fékk sérstök áhorfendaverðlaun, sem er stórkostlegur árangur því alls sóttu 116 söngvarar um þátttöku í keppninni. Þetta er í fyrsta sinn sem Íslendingur fær verðlaun í þessari virtu alþjóðlegu keppni.
En þetta er ekki í fyrsta sinn, og líklega ekki í það síðasta heldur, sem Jóhann stendur sig vel í alþjóðlegum keppnum. Sumarið 2016 komst hann í úrslit í Schumann keppninni.


Myndina tók: Álfheiður Erla Guðmundsdóttir

Margir heilluðust strax af Jóhanni þegar hann stundaði nám hér við Söngskólann. Hann kom víða við í tónlistarheiminum og var mjög sýnilegur tónlistarmaður hérna heima áður en hann flutti út. Árið 2011 fékk hann styrk úr Minningarsjóði Vilhjálms Vilhjálssonar, sem er styrkur til söngnema sem þykja skara fram úr. Hann söng í kjarnakór Íslensku óperunnar frá árinu 2012 og ári seinna þreytti hann frumraun sína sem einsöngvari á sviði Íslensku óperunnar í hlutverki Morales í Carmen eftir Georges Bizet. Einnig söng hann hlutverk séra Torfa í Ragnheiði eftir Gunnar Þórðarson og Friðrik Erlingsson við frumflutning óperunnar í Skálholti. Samhliða þessu spilaði Jóhann reglulega á gítar á tónleikum og gaf út þrjár plötur með frumsaminni tónlist. Lagið hans “No Need to Hesitate” fékk töluverða spilun í úvarpinu.
Núna einbeitir hann sér nánast alfarið að klassísku tónlistinni og gerir það með prýði.

Þann 9. apríl syngur Jóhann á tónlistarhátíðinni Heidelberger Frühling ásamt hinum verðlaunahöfunum í Das Lied. Þar mun hann flytja spennandi prógramm með söngljóðum eftir tvo þekktustu ljóðatónskáldin Franz Schubert og Robert Schumann, en einnig eftir nútímatónskáldið Wolfgang Rihm. Við hjá Söngskólannum í Reykjavík óskum honum góðs gengis á tónleikunum og á lokasprettinum í sínu námi. Við erum stollt af okkar manni.

Martin Walz tók myndina sem birtist í upphafi greinarinnar

Ungir einsöngvarar í Langholtskirkju

Ungir einsöngvarar í Langholtskirkju

Tónleikar ungra einsöngvara í Langholtskirkju verða í kvöld, 23. mars kl. 20:00. Jón Stefánsson skapaði þennan vettvang svo að ungir efnilegir söngvarar úr kór Langholtskirkju fái tækifæri til að koma fram.

Þeir sem koma fram að þessu sinni eru: Birgir Stefánsson, Dagur Þorgrímsson, Íris Björk Gunnarsdóttir, Ólafur Freyr Birkisson, Halldóra Ósk Helgadóttir, Salný Vala Óskarsdóttir og Vera Hjördís Matsdóttir, ásamt Hrönn Þráinsdóttur píanóleikara. Eins og undanfarin ár er stór hluti af þessum söngvarahóp nemendur við Söngskólann í Reykjavík.
Birgir er nemandi Bergþórs Pálssonar, Ólafur Freyr er nemandi Egils Árna Pálssonar, Halldóra Ósk og Salný Vala eru nemandur Hörpu Harðardóttur. Vera Hjördís var einnig nemandi Hörpu.
Meðleikarinn, Hrönn Þráinsdóttir, er starfsmaður við Söngskólann í Reykjavík.

Á dagskránni verða ýmis verk, bæði ljóð og aríur ásamt samsöngsverkum úr Brúðkaupi Fígarós. Við fögnum því að nemendur við skólann fá tækifæri til að láta ljós sitt skína og hlökkum til að sjá og heyra þau í kvöld. Aðgöngumiðar eru seldir við innganginn á kr. 2.000 og 1.500 fyrir félaga í Listafélagi Langholtskirkju, nema og eldri borgara.

Myndir: Hrefna Björg Gylfadóttir

Úrslit svæðistónleika Nótunnar 2017

Úrslit svæðistónleika Nótunnar 2017

Söngskólinn í Reykjavík sendi frá sér tvö atriði á svæðistónleika Nótunnar 2017, sem fram fór um helgina í Grafarvogskirkju. Á svæðistónleikunum voru veittar viðurkenningar og nótuverðlaun til þeirra atriða sem valin voru til að taka þátt í Lokahátíð Nótunnar.
Bæði atriðin sem tóku þátt fyrir hönd Söngskólans í Reykjavík komust áfram!


Einar Dagur Jónsson tók þátt í flokki einleiks-/einsöngsatriða. Hann söng aríu Taminos úr Töfraflautunni eftir W.A. Mozart, Dies Bildnis ist bezaubernd schön. Antonia Hevesi lék undir með Einari Degi sem er nemandi Egils Árna Pálssonar söngkennara. Fyrr á árinu tók Einar Dagur þátt í söngkeppni Vox Domini og hlaut þar verðlaunasæti á framhaldsstigi.


Atriðið á okkar vegum í samleiks-/samsöngsflokki var í höndum Nemendaóperunnar. Þau sungu Quintett úr Töfraflautunni eftir W.A. Mozart, Hm hm hm, undir handleiðslu Sibylle Köll og Hrannar Þráinsdóttur. Quintettinn skipuðu: Salný Vala Óskarsdóttir, Jara Hilmarsdóttir, Hanna Ágústa Olgeirsdóttir, Birgir Stefánsson og Einar Dagur Jónsson. Salný Vala og Jara eru nemendur Hörpu Harðardóttur, Hanna Ágústa er nemandi Ólafar Kolbrúnar Harðardóttur, Birgir er nemandi Bergþórs Pálssonar og Einar Dagur er, eins og fyrr hefur komið fram, nemandi Egils Árna Pálssonar.

Við viljum óska þessum glæsilega hópi söngvara, söngkennara, píanóleikara og leikstjóra innilega til hamingju með árangurinn og við hlökkum til að sjá þau koma fram á Lokahátíð Nótunnar í Eldborgarsal Hörpu, sunnudaginn 2. Apríl 2017.

Marta Kristín Friðriksdóttir

Marta Kristín Friðriksdóttir

Árið 2017 hefur verið mjög viðburðarríkt hjá söngkonunni Mörtu Kristínu Friðriksdóttur, nemenda við Söngskólann í Reykjavík. Snemma árs vann Marta söngkeppnina Vox Domini, á vegum FÍS (Félag Íslenskra söngkennara) og fékk nafnbótina Rödd ársins 2017!
Samhliða því að syngja hlutverk Paminu í Töfraflautunni, eitt aðalhlutverk óperunnar, söng Marta sig inn í virtan tónlistarháskóla í Vín: Universität für musik und darstellende kunst Wien. Hún heillaði dómnefndina þar við skólann eins og henni einni er lagið.

Marta hóf nám við Söngskólann í Reykjavík árið 2012 og hefur síðan þá lært hjá Signýju Sæmundsdóttur og Þóru Fríðu Sæmundsdóttur. Hún kom hingað með gott veganesti frá Margréti Pálma, Hönnu Björk Guðjónsdóttur og Ingu Backman. Í lok síðasta skólaárs lauk Marta 8. stigs söngprófi með hæstu einkunn eða 9,6. Á bak við velgengni sem þessa liggur mikil vinna, en Marta hefur verið dugleg að sækja masterclassa hérlendis sem og erlendis.

Tónlistarháskólinn í Vín hefst 2. Október 2017. Þar við skólann eru nú þegar nokkrir aðrir nemendur frá Söngskólanum í Reykjavík: Kristín Sveinsdóttir, Jóna G. Kolbrúnardóttir, Gyrðir Viktorsson, Davíð Ólafsson og Unnsteinn Árnason. Við vonum að þau taki vel á móti líflegu og skemmtilegu Mörtunni okkar og hjálpi henni að fóta sig á nýjum stað.